"Sumqayıt" komandası 2016/2017 futbol mövsümü üçün hazırlığın birinci mərhələsini başa vurub. Sportnet.az-ın məlumatına görə, bu gün istirahət edəcək Samir Abasovun rəhbərlik etdiyi komanda iyulun 12-də hazırlığın 2-ci mərhələsi üçün qonşu Türkiyəyə yola düşəcək.
"Gənclik şəhəri" təmsilçisi iyulun 26-dək Bolu bölgəsində təlim-məşq toplanışı keçəcək. "Sumqayıt" Türkiyədə 4 yoxlama matçı keçirməyi planlaşdırır. Rəqiblər hələlik məlum deyil. Komanda Bolunun VON otelində məskunlaşacaq.
Qeyd edək ki, "Sumqayıt" hazırlığın ilkin mərhələsində 2 yoxlama matçında qüvvəsini sınayıb. "Şuşa Qarabağ"a 1:0 hesabı ilə qalib gələn Samir Abasovun komandası "Zirə" ilə qolsuz heç-heçə edib.
