Rusiyanın "Zenit" klubu ilə yollarını ayıran azərbaycanlı futbolçu Ramil Şeydayev karyerasını Türkiyədə davam etdirə bilər. Sportnet.az-ın məlumatına gprə, "Trabzonspor" klubu 20 yaşlı hücumçu ilə danışıqlar aparır.
Bu haqda klubun mətbuat xidməti məlumat yayıb. Super Liqa təmsilçisi Rusiya klubu ilə müqaviləsi bitdiyindən sərbəst futbolçu olan Şeydayevin xidmətində maraqlıdır.
Rusiya mətbuatı isə Şeydayevlə bağlı bizim üçün maraqlı xəbər yayıb. Bildirilir ki, futbolçu Rusiya vətəndaşlığını Azərbarcan vətəndaşlığına dəyişə bilər və o, bu məqsədlə hazırda Bakıdadır. Şeydayev AFFA ilə danışıqlar aparmaq üçün gəlib.
Xatırladaq ki, vaxtilə yığmamızda oynamış Şeydayev hazırda Rusiyanın U-21 millisinin üzvüdür.
