Türkiyənin "Trabzonspor" klubu azərbaycanlı futbolçu Ramil Şeydayevi transfer etməyi qərara alıb. Sportnet.az Türkiyə mətbuatına istinadən məlumatına görə, Super Liqa təmsilçisinin 20 yaşlı hücumçu iə danışıqları müsbət nəticələnib.
Bildirilir ki, trabzonlular Şeydayevlə 4 illik müqavilə imzalayacaq. Türklər futbolçunun transfer qiymətini 500 min avro dəyərləndirir.
Baş məşqçi Ərsun Yanal klubun skautların ona müsbət raport verdiyi Şeydayevin oyunları olan diskıəri izlədikdən sonra keçidə razılığını verib. Ramilin təkcə mərkəz hücumçusu yox, yarımmüdafiənin sağ cinahında da oynaya bilməsi Yanalın işinə yarayır. 1,87 metr boya malik hücumçunun yaxşı fiziki göstəricilərə malik olması, bundan istifadə edə bilməsi, rəqib müdafiəçiləri daim gərginlikdə saxlaması "Trabzonspor"un diqqətini çəkib.
