"İnter" Premyer Liqanın yeni mövsümünə hazırlıq çərçivəsində son yoxlama oyununu keçirib. Sportnet.az-ın məlumatına görə, Zaur Svanadzenin yetirmələri birinci divizion təmsilçisi "Qaradağ-Lökbatan"la görüşüb.
Bakı Olimpiya Stadionunun yardımçı meydançasında baş tutan matç "İnter"in 2:0 hesablı qələbəsi ilə nəticələnib. Qolların müəllifləri hücumçu Rauf Əliyevlə rumıniyalı müdafiəçi Adrian Skarlatake olub.
Xatırladaq ki, "İnter" çempionata avqustun 7-də çempion "Qarabağ"la səfər matçı ilə başlayacaq.
