Bu gün futbol üzrə Azərbaycan Premyer Liqasında 2016/2017 mövsümünə start verilib. Sportnet.az-ın məlumatına görə, mövsümün açılış turunun ilk oyun günündə 2 qarşılaşma keçirilib.
Futbol azarkeşləri ilk olaraq AZAL - "Neftçi" oyununu izləyiblər. Ötən mövsüm mükafatçılar sırası düşə bilməyən və Avropa Liqasının II təsnifat mərhələsində məğlubiyyətlə üzləşən "Neftçi" mövsümə səfər qələbəsi ilə başlayıb. Bu oyunda 2 qol, 2 sayılmayan qol və 2 qırmızı vərəqə qeydə alınıb. Komnadalr hələ ilk hissədə meydanad 10 nəfərlə qalıblar.
Günün son oyununda isə ötən mövsüm Premyer Liqada debüt etməsinə baxmayaraq çempionatı ikinci pillədə başa vuran "Zirə" Sumqayıtın şəhərinin eyniadlı klubunu qəbul edib. Sensasiya məhz bu matda qeydə alınıb. "Sumqayıt" hücumçusu Vaqif Cavadovun vurduğu qolla qələbəni bayram edib. Bununla da ötən mövsüm öz meydanında nadir hallarda uduzan "Zirə" bu çempionata ev məğlubiyyəti ilə başlayıb. Tur isə qonaqların qələbələri ilə yadda qalıb.
Azərbaycan Premyer Liqası, I tur
18:00. AZAL – "Neftçi" - 0:2
Qol: Elvin Bədəlov, 60, Rəhman Hacıyev, 70
Qırmızı vərəqə: Ruslan Nəsirli, 37 (AZAL, birbaşa), Jayro Filyo Rodriges ("Neftçi". ikinci sarı)
Hakimlər: Rəhim Həsənov, Namiq Hüseynov, Akif Əmirəli, Coşqun Həsənov
Əlavə köməkçi hakimlər: Ramil Diniyev, Rəvan Həmzəzadə
AFFA nümayəndəsi: Ramiz Mustafayev
Hakim inspektor: Asim Xudiyev
Bakı. "AZAL Arena"
20:00. "Zirə" – "Sumqayıt" - 0:1
Qol: Vaqif Cavadov, 74
Hakimlər: Orxan Məmmədov, Yaşar Abbasov, Mehman Mahmudov, Rövşən Rəcəbov
Əlavə köməkçi hakimlər: Əliyar Ağayev, Ömər Paşayev
AFFA nümayəndəsi: Ramiz Abdullayev
Hakim inspektor: Füzuli Nəcəfov
Bakı. Zirə İdman Kompleksinin stadionu
Qeyd edək ki, turun digər iki oyunu 7-8 avqustda keçiriləcək.
