"Rəşad Sadiqov yaxşı və təcrübəli oyunçudur. Zədəsi haqda bilgimiz yoxdur. Hələ maraqlanacağıq. O təcrübəli olduğu üçün öz bədənini yaxşı bilir". Sportnet.az-ın məlumatına görə, bunu "Qəbələ"nin baş məşqçisi Roman Qriqorçuk deyib.
Qriqorçuk "Kəpəz"lə oyun haqda bunları bildirib: "Mən əvəzetmə ilə bağlı həmin an üçün lazım olan qərarı qəbul edirəm. İşlərimiz çox olur, özümüzü analiz edirik. Sabahdan "İnter"in oyununu analiz edib, oyunçularla müzakirə aparacağıq. Limitin faydasız olması ilə bağlı fikrimi demişdim. Ancaq limit var və bunu nəzərə almalıyıq".
