"Qarabağ"ın Avropa Liqasının qrup mərhələsində növbəti rəqibi olan İtaliyanın "Fiorentina" klubu İsrail yığmasının futbolçusu Tal Ben Haimə göz dikib. Spotner.az-ın məlumatına görə, Təl-Əviv "Makkabi"sinin 27 yaşlı yarımmüdafiəçisi Florensiya təmsilçisinin maraq dairəsinə düşüb.
Ben Haim öz klubunda cari mövsümdə keçirdiyi 9 oyunda 5 qol vurub. O, 2018-ci il dünya çempionatının seçmə mərhələsində də fərlqlənib. İsrail millisinin öz meydanında İtaliyaya 1:3 hesabı ilə uduzduğu son rəsmi oyunda məşhur qapıçı Canluicci Buffonun qapısına yeganə qolu məhz bu futbolçu vurub.
Ancaq onu da nəzərə alaq ki, "Fiorentina" bu keçidi ən yaxşı halda qış transfer dövründə reallaşdıra bilər. Çünki Avropada "transfer pəncərəsi" həmin vaxtadək bağlıdır.
