Qazaxıstanın "Taraz" klubu əslən Azərbaycandan olan futbolçu Aleksandr Əliyevlə müqaviləni pozub. Sportnet.az-ın məlumatına görə, Ukrayna milli komandasının 31 yaşlı sabiq yarımmüdafiəçisi artıq bu ölkəni tərk edib.
"Taraz"ın idman direktoru Kanat Şertayev anlaşmanı qarşılıqlı razılıqla pozduqlarını bildirib: "Futbolçunun ailə problemləri var. Buna görə də getməli oldu".
Son klubu ilə bu ilin iyununda müqavilə imzalayan Əliyev əsas heyətdə möhkəmlənə bilməyib. O, cari mövsümdə keçirdiyi 9 oyunda 1 qol vurub.
