"Bizi çətin oyun gözləyir. Çexiyanın güclü komanda olduğunu bilirik. Bu komanda həmişə güclü olub”. Sportnet.az-ın məlumatına görə, bu fikirləri Azərbaycan yığmasının futbolçusu Məhəmməd Mirzəbəyov deyib.
DÇ-2018-in seçmə mərhələsində ilk 2 oyundan sonra aktivində 6 xal olan millimiz növbəti görüşünü sabah Çexiyaya qarşı keçirəcək.
Millimizin oyunöncəsi mətbuat konfransında iştirak edən Mirzəbəyov sabahkı matçla bağlı bu fikirləri səsləndirib: "Çexiya millisi pressinqi yaxşı bacarır. Sabahkı oyunda əlimizdən gələni edəcəyik ki, yaxşı nəticə əldə edək".
- Sabahkı oyunda qələbə qazansaz, özünüzü qrupdakı yerinizi təmin etmiş sayacaqsız?
- Bunu indidən demək olmaz. Xüsusilə, Çexiya ilə güclü rəqiblə oyundan öncə.
