Bu gün futbol üzrə Azərbaycan Premyer Liqasında VIII tura yekun vurulub. Sportnet.az-ın məlumatına görə, son oyun günündə 2 qarşılaşma olub.
Günün ilk matçı Şüvəlanda keçirilib. AZAL Gəncənin "Kəpəz" klubunu qəbul edəcək. Qonalqar sona yaıxn vurduğu yeganə qolla qlaib gəlib.
Turun son matçında isə "Zirə" və "Neftçi" komandaları üz-üzə gəlib. Zirədəki qarşılaşma meydan sahiblərinin inamlı qələbəsi ilə yekunlaşıb. Bununla da cari çempionatında növbəti məğlubiyyətini alan "Neftçi" üstəlik qırmızı vərəqə alan müdafiəçisi Rahil Məmmədova görə ikinci hissəni demək olar bütünlüklə azlıqda keçirməli olub.
Azərbaycan Premyer Liqası, VIII tur
16 oktyabr (bazar)
16:00. AZAL – "Kəpəz" - 0:1
Qol: Julien Ebah, 83
Hakimlər: Orxan Məmmədov, Azər Əsgərov, Knyaz Əmiraslanov, Vaqif Musayev
Əlavə köməkçi hakimlər: Əliyar Ağayev, Rauf Cabbarov
AFFA nümayəndəsi: Arif Fərəcov
Hakim-inspektor: Şaiq Həmidov
"AZAL Arena"
18:30. "Zirə" – "Neftçi" - 2:0
Qollar: Yovan Krneta, 43-pen, Adil Nağıyev, 50
Qırmızı vərəqə: Rahil Məmmədov, 47 ("Neftçi", ikinci sarı)
Hakimlər: Rəhim Həsənov, Nahid Əliyev, Rahil Ramazanov, Elman Musayev
Əlavə köməkçi hakimlər: Fariz Yusifov, İnqilab Məmmədov
AFFA nümayəndəsi: Sakin Məmmədzadə
Hakim-inspektor: Şahin Cəfərov
Zirə İdman Kompleksinin stadionu
Qeyd edək ki, turun ilk oyun günündə "Qarabağ" "Sumqayıt"ı 3:0 hesabı ilə məğlub edib. "İnter"- "Qəbələ" oyunu isə 1:1 hesabı ilə başa çatıb.
