Serbiyada təlim-məşq toplanışında olan 17 yaşadək futbolçulardan ibarət Azərbaycanın yığma komandası bu gün yoxlama oyunu keçirib. Sportnet.az-ın məlumatına görə, Vüqar Məmmədin baş məşqçisi olduğu komanda "Voyvodina” klubunun U-19 komandası ilə qarşılaşıb.
Matç milli komandamızın 3:0 hesablı qələbəsi ilə yekunlaşıb. Yığmamızın heyətində Xaqani Sadıxov dubl edib. Digər qolu isə penaltidən Kamran Quliyev vurub.
