"Neftçi”də hər mövqedə güclənməyə ehtiyac var. Biz hər bir xətti gücləndirməyi düşünürük”.
Bunu Sportnet.az-a açıqlamasında "Neftçi”nin baş məşqçisi Elxan Abdullayev deyib. Abdullayevin sözlərinə görə, qış fasiləsində yeni transferlər çox olacaq: "Qışda azı 8-9 yeni futbolçu alacağıq. Bunlar arasında legionerlərlə yanaşı, yerlilər də var. Ancaq əlbəttə, indi yerli futbolçu transfer etmək çətindir. Bu, xüsusilə qış fasiləsində problem olur. Çünki çoxunun müqaviləsi yayda bitdiyindən, qışda klublarına bağlı olur. Bu səbəbdən, onları cəlb etmək çətindir. Amma 1-2 nəfər yerli futbolçu götürməyə çalışacağıq”.
"Neftçi” hələ ki 2 transfer reallaşdırıb. Bunlar Azərbaycan və Gürcüstan milli komandasının üzvləri olan hücumçu Namiq Ələsgərovla müdafiəçi Georgi Navalovskidir.
Qeyd edək ki, mövsümün ilk dövrəsini çox uğursuz keçirən, autsayderlər sırasında olan "Neftçi” heyətini gücləndirmək üçün bütün diqqətini qış fasiləsinə yönəldib.
Mehman SÜLEYMANOV
