"Neftçi”nin baş məşqçisi Elxan Abdullayev Türkiyənin Antalya bölgəsindəki təlim-məşq toplanışı çərçivəsində "Sivasspor”la 0:0 hesablı heç-heçə etdikləri yoxlama oyununu dəyərləndirib.
Sportnet.az-ın məlumatına görə, 47 yaşlı mütəxəssis ilk oyunda komandasının yaxşı təsir bağışladığını bildirib.
Hazırda fiziki hazırlıq üzərində işlədiklərini deyən Abdullayev yeni transferlərin çıxışından razılıq ifadə edib: "Bu oyun bir daha göstərdi ki, seleksiya işimiz düzgün qurulub. Təbii ki, bir oyunla heç nə demək olmaz. Qarşıda yoxlama görüşlərimiz var. Düşünürəm ki, oyundan oyuna daha yaxşı olacaq və bu yaxşı oyunumuzu çempionatda da davam etdirmək istəyirik”.
