"Qarabağ" və "Qəbələ" klubları Sportnet.az-ın redaktoru Mehman Süleymanovun anasının vəfatı ilə əlaqədar başsağlığı verib.
Sportnet.az-ın məlumatına görə, "Qarabağ"ın rəsmi saytında deyilir: "İdman jurnalisti Mehman Süleymanovun ailəsində ağır itki baş verib. Jurnalistin anası bu gün dünyasını dəyişib. "Qarabağ” FK adından Mehman Süleymanova başsağlığı verir, mərhuma Allahdan rəhmət diləyirik".
"Qəbələ” İdman Klubunun rəsmi "Facebook" səhifəsində isə bildirilir:
Klubumuzun kollektivi "Qəbələ İK” qəzetinin sabiq əməkdaşı, tanınmış jurnalist Mehman Süleymanovun anasının vəfatı ilə əlaqədar mərhumun ailəsinə və yaxınlarına dərin hüznlə başsağlığı verir, səbir diləyir.
ALLAH RƏHMƏT ELƏSİN
Qeyd edək ki, Mehman Süleymanovun anası Qəndaf xanım uzun sürən xəstəlikdən sonra bu gün 71 yaşında ikən dünyasını dəyişib. Mərhum sabah Qazağın I Şıxlı kəndində dəfn olunacaq.
