"Sumqayıt"ın kapitanı Vurğun Hüseynov mükafatlandırılıb.
Sportnet.az-ın məlumatına görə, mükafatlandırma mərasimi "Kəpəz"lə Azərbaycan Premyer Liqasının XVII tur matçından öncə keçirilib.
29 yaşlı müdafiəçiyə çempionatda indiyədək 100 oyuna çıxdığı üçün hədiyyə verilib. O, "Sumqayıt"ın Müşahidə Şurasının üzvləri Telman Salahov və Abdulla Məmmədov tərəfindən 100 nömrəli forma ilə təltif olunub.
Qeyd edək ki, Vurğun Hüseynov cəzalı olduğu üçün "Kəpəz"lə oyunda iştirak etmir.
