Qəbələ şəhər stadionunu Azərbaycan Premyer Liqasının XIX turu çərçivəsində bu gün keçiriləcək "Qarabağ"la oyuna hazır vəziyyətə gətirən personal maraqlı addım atıb.
Sportnet.az-ın matça ezam olunmuş məlumatına görə, qazon və tribunalar qar örtüyündən təmizlənsə də, yerli azarkeşlərlə qonaq komandanın fanatlarının yer alacağı sektorların arasına qardan sədd çəkilib.
Lakin bu, maneədən çox, qartobu üçün tədarükə bənzəyir. Oyunun gedişində tərəflərin qartobu savaşına çıxacağı istisna deyil.
Qeyd edək ki, "Qarabağ" azarkeşləri qapı arxasındakı tribunada yer alacaqlar.
