"Sumqayıt”dan bu cür futbol, belə taktika gözləmirdik. 3 mərkəz müdafiəçisi olmaqla, cəmi 5 müdafiəçi ilə çıxış edirdilər. Qalib gəlmək istəyirdik".
Sportnet.az-ın məlumatına görə, bunu "Səbail"in baş məşqçisi Samir Əliyev Topaz Premyer Liqasının VII turunda "Sumqayıt"a 0:2 hesabı ilə uduzduqları oyundan sonra deyib.
O, erkən qol buraxdıqlarını bildirib: "Bu, artıq bizdə xəstəlik halına gəlib. Buna baxmayaraq, daha sonra toparlanaraq hücum qura bildik. Ancaq əldə etdiyimiz fürsətlərdən istifadə edə bilmədik".
S.Əliyevin sözlərinə görə, istər "Sumqayıt” olsun, istərsə də "Kəpəz” onlara qarşı müdafiə futbolu oynayırlar. "Bu amil bizi sevindirir. Deməli, rəqiblərimiz bizdən çəkinirlər" (Qol.az).
