"Qarabağ”ın futbolçusu Dani Kintana növbəti dəfə zədələnib.
Klubdan Sportnet.az-a verilən məlumata görə, 30 yaşlı ispaniyalı yarımmüdafiəçi məşq zamanı xəsarət alıb.
O, zədə səbəbi ilə Azərbaycan Premyer Liqasınıın VII turunda "Zirə” ilə ev qarşılaşmasında iştirak etməyib. Əcnəbi oyunçunu durumuna müayinədən sonra aydınlıq gələcək.
Qeyd edək ki, D.Kintana bu il fevralın 3-də AZAL ilə görüşdə ağır zədə alaraq, əməliyyat olunub. O, uzun bərpa prosesindən sonra avqustun 11-də "Neftçi" ilə Premyer Liqanın ilk turunda meydana çıxsa da, yenə zədələnib və V turda "Kəpəz”lə ev matçında geri dönüb. İspaniyalı VI turda "Sumqayıt”la görüşdə 63-cü dəqiqədə meydana daxil olubsa, Çempionlar Liqasının qrup mərhələsində "Roma” ilə qarşılaşmanın 88-ci dəqiqəsində Miçel Madeyaranı əvəzləyib.
