"Qarabağ"ın kapitanı Rəşad Sadıqov Azərbaycan Turizm və Menecment Universitetində olduğu vaxt mübahisə edən iki tələbəni sakitləşdirib.
Sportnet.az-ın məlumatına görə, tələbələrin sözləri yer üstündə çəp gəlib. Hətta onlardan biri digərinə "çölə çıxarıq, baxarsan" söyləyib. Bunu görən Sadıqov isə onlara nəsihət verib: "Hər ikinizdən xahiş edirəm ki, söhbət elə burda qalsın. Çünki bizim birliyə, bərabərliyə ehtiyacımız var. Hazırda Qarabağımızın bizdə olmaması, bizdən qat-qat zəif bir dövlət tərəfindən torpaqlarımızın işğal olunması zamanında bir birimizin arasında olan parçalanmadan, narazılıqlardan irəli gəlib. Çox istəyirəm ki, biz gənclər həmişə bir olaq və hər şeyə görə bir-birinizin xətrinə dəyməyək. Çoxları məni kobud insan kimi tanıyır. Ancaq həmişə xırda məsələləri şişirtməmişəm. Allah göstərməsin, kimsə namusumuza toxunsa, təhqirə yol versə, başqa məsələ, bunu aydınlaşdırmaq olar".
Kapitanın bu sözləri alqışlarla qarşılanıb.
