"Kəpəz”in zədəliləri arasında ən ciddi xəsarət alanı Samba Diallodur. Sportnet.az-ın klubun rəsmi saytına istinadən verdiyi məlumata görə, ötən tur "Zirə”yə qarşı oyunda zədələnərək əvəzlənən Samba iki həftəlik sıradan çıxıb.
Müayinədən keçən yarımmüdafiəçinin topuq oynağında ikinci dərəcəli burxulma aşkar edilib. "Neftçi” ilə matçı buraxacaq Diallonun X turda "İnter” ilə görüşdə də meydana çıxacağı sual altındadır. Klubun tibbi personalı hər şeyin müalicə prosesinin gedişindən asılı olacağını açıqlayıb.
