"Qarabağ” Türkiyənin "1907 ÜNİFEB” (Üniversitetli "Fənərbağça”lılar) dərnəyinə təşəkkür edib.
Sportnet.az-ın məlumatına görə, klub rəsmi saytı vasitəsilə Çempionlar Liqasının qrup mərhələsində keçirilən "Çelsi” ilə ev oyunundakı möhtəşəm xoreoqrafiyanın yaradılmasındakı köməyə görə dərnəyə təşəkkür ünvanlayıb:
"Məlum olduğu kimi, "Çelsi"ylə qarşılaşmada "Qarabağ" Futbol Klubu 20 000 azarkeş iştirakıyla Azərbaycan futbol tarixində ən böyük xoreoqrafiyanı gerçəkləşdirdi. "Qarabağ" FK 1 həftə öncədən Türkiyədən gələrək həmin tarixi anların reallaşmasında dəstək verən "1907 ÜNİFEB" dərnəyinin üzvlərinə təşəkkür edir”.
