"Zirə”nin 12 yaşadək futbolçulardan ibarət komandası növbəti yoxlama oyununu keçirib.
Sportnet.az-ın klubun rəsmi saytına istinadən məlumatına görə, rəqib İranın Şiraz vilayətinin "Hafez” komandası olub. Milli Aviasiya Akademiyasının stadionunda keçirilən görüş "Zirə"nin 4:1 hesablı qələbəsi ilə yekunlaşıb. Bundan başqa, Azərbaycan komandasının 13 yaşlıları da "Hafez”in u-13 komandası ilə qarşılaşıb. Bu matç da "Zirə”nin 4:1 hesablı qalibiyyəti ilə başa çatıb.
Qeyd edək ki, tərəflərin U-12 komandalarının bir neçə gün əvvəl keçirilən görüşü də "Zirə”nin qələbəsi ilə yekunlaşıb – 2:1.
