Azərbaycanın "Kəpəz” futbol komandasının Türkiyənin Antalya bölgəsindəki təlim-məşq toplanışı zamanı yoxlama matçı keçirəcəyi daha iki rəqib müəyyənləşib.
Sportnet.az-ın məlumata görə, Yunis Hüseynovun rəhbərlik etdiyi kollektiv yanvarın 28-də Polşanın "Yagelloniya”, 3 gün sonra isə Serbiyanın "Spartak” komandası ilə qarşılaşacaq. Daha bir görüş isə yanvarın 25-də nəzərdə tutulub. Amma hələ həmin gün üçün rəqib müəyyənləşməyib.
Qeyd edək ki, "Kəpəz” 2018-ci il yanvarın 17-dən fevralın 2-dək Antalyada hazırlıq keçəcək. Gəncə təmsilçisi ilk yoxlama oyununu Rumıniyanın "Viitorul” komandasına qarşı keçirəcək.
