"Qəbələ"nin futbolçusu Baqali Dabo Türkiyənin Antalya bölgəsində keçirdikləri təlim-məşq toplanışını dəyərləndirib.
Sportnet.az-ın məlumatına görə, hücumçu klub televiziyasına açıqlamasında azarkeşlərə söz verib:
"Fiziki cəhətdən toplanışın ilk günləri ağır keçə bilər, amma psixoloji baxımdan hər şey əladır. Yaxşı motivasiya, əla şərait və gözəl atmosfer var. Bu atmosfer özümüzü inkişaf etdirməyə və ikinci dövrəyə maksimum hazır olmağa imkan verəcək. Bu baxımdan nə mənim nə də digər komanda yoldaşlarımızın narahatçılığımız yoxdur. Azərkeşləri də buna əmin etmək istəyirəm ki, çempionluq mübarizəsində ötən il elədiyimiz səhvləri bu il təkrarlamayacağıq. Onlar əminliklə və rahatlıqla gəlib bizi dəstəkliyə və yüksək nəticəyə ümid edə bilərlər".
