"Qarabağ"ın futbolçusu Ansi Aqolli Albaniya Futbol Federasiyasının (FSHF) prezidenti Armand Dukaya dəstək verib.
Sportnet.az-ın məlumatına görə, Albaniya yığmasının katibi ardıcıl 5-ci dəfə FSHF prezidenti vəzifəsinə seçilmək üçün namizədliyini irəli sürən Dukaya uğurlar arzulayıb. Aqolli şəxsi "İnstagram"ında yazıb: "Ən yaxşı uğurumuz hələ irəlidədir. Prezidenti təbrik edirəm".
Qeyd edək ki, Armand Duka futbol ictimaiyyətinin xahişindən sonra FSHF prezidenti postuna namizədliyini vermək qərarına gəldiyini açıqlayıb. Onun rəhbərliyi dövründə Albaniya millisi tarixində ilk dəfə 2016-cı il Avropa çempionatının final mərhələsində çıxış edib. Ansi Aqolli isə Azərbaycandakı legionerlər arasında belə bir nüfuzlu yarış həyəcanı yaşayan yeganə futbolçudur.
