Moldova milli komandası Cənubi Koreya və Azərbaycan milliləri ilə Türkiyənin Antalya bölgəsində keçirəcəyi yoldaşlıq görüşlərinin hazırlıqlarına başlayıb.
Sportnet.az-ın məlumatına görə, ölkənin kurort şəhəri Vadul-luy-Vodedə baş tutan ilk məşqdə Moldova Futbol Federasiyasının prezidenti Pavel Çebanu və vitse-prezident Draqoş Xınku futbolçulara yeni baş məşqçi Aleksandr Spiridonu təqdim ediblər. Komanda üzvləri idman zalında və meydanda kompleks çalışmaları yerinə yetiriblər. Yerli çempionatda çıxış edən əsas futbolçular isə əsasən, ikitərəfli oyunda iştirak ediblər.
Qeyd edək ki, Azərbaycan - Moldova matçı yanvarın 30-da keçiriləcək.
