Çempionatın ikinci hissəsinə hazırlığı davam etdirən "Neftçi”nin əvəzedici komandası təlim-məşq toplanışı çərçivəsində ilk yoxlama oyununu keçirib.
Sportnet.az xəbər verir ki, əvəzedicilər "Dalğa Arena”da U-19 milli komandası ilə qarşılaşıblar. "Neftçi”nin 1:0 hesablı qələbəsi ilə nəticələnmiş görüşdə yeganə qolu Tural Əliyev vurub.
Qeyd edək ki, "Neftçi"nin əvəzedicilərinin yanvarın 21-də "Səbail”in U-19, yanvarın 24-də "Keşlə”nin əvəzediciləri, yanvarın 28-də isə "Neftçi”nin U-19 komandası ilə hazırlıq matçları nəzərdə tutulub. Yanvarın 30-da planlaşdırılan yoxlama görüşü haqda isə rəqib dəqiqləşəndən sonra məlumat veriləcək.
