İspaniyanın "Barselona" klubunun aparıcı futbolçularından hesab olunan Usman Dembele yenidən zədələnib.
Sportnet.az-ın məlumatına görə, fransalı zədə səbəbindən 3-4 həftə komandasına kömək edə bilməyəcək. U.Dembele La Liqanın 19-cu turunda "Real Sosyedad"a 4:2 hesabı ilə qalib gəldikləri matçda sıradan çıxıb.
Qeyd edək ki, bu mövsüm "Barselona"nın heyətinə cəlb olunan Dembele, uzun müddət zədəli olub və 2018-ci ilin əvvəlində formasını bərpa edib.
