"Səbail" klubu Moldova yığmasının futbolçusu Yevgeni Koçuku baxışa çağırıb.
Sportnet.az-ın məlumatına görə, 25 yaşlı yarımmüdafiəçi hazırda "Səbail"in Türkiyə toplanışında Ukrayna təmsilçisi "Çernomorets"lə yoxlama matçında start heyətində yer alıb.
Qeyd edək ki, Yevgeni Koçuk 2012 - 2016-cı illərdə vətənində "Daçiya"nın formasını geyinib. 2016-cı ildə Slovakiyanın "Jilina" klubuna keçən yarımmüdaçi burada Azərbaycan millisinin hücumçusu Ramil Şeydayevlə komanda yoldaşı olub və ölkə çempionatının qızıl medalını qazanıb. O, 2015-ci ildən etibarən Moldova yığmasının heyətində 4 oyun keçirib.
