Ötən ay Fransada futbol azarkeşlərinin öyrəşmədiyi hadisə yaşanıb.
Sportnet.az-ın məlumatına görə, "Nant" ilə PSJ-nin üz-üzə gəldiyi matçda futbolçulardan çox hakim diqqət mərkəzinə düşüb. Qarşılaşmanın baş hakimi Toni Kapron "Nant"ın braziliyalı futboçusu Dieqo Karlosu öncə təpiklə vurub, daha sonra isə onu qırmızı vərəqə ilə cəzalandırıb.
Fransa Futbol Federasiyası sözügedən hakimi 3 ay futboldan uzaqlaşdırıb. Görüşdən sonra 45 yaşlı referiyə oyun tapşırmayan federasiya onun futbolçuya göstərdiyi qırmızı vərəqəni də ləğv edib.
Qeyd edək ki, 2004-cü ildən Fransada hakimlik edən Kapron cari mövsüm karyerasını sonlandıracağını açıqlayıb.
