İspaniyanın "Barselona" klubunun futbolçusu Lionel Messi Çempionlar Liqasındakı favoritlərini açıqlayıb.
Sportnet.az-ın məlumatına görə, 31 yaşlı hücumçu İngiltərənin "Mançester Siti" və Fransanın PSJ komandalarını əsas rəqib adlandırıb.
Onun fikrincə, "Mançester Siti" və PSJ də ən güclü komandalardandır: "Mən keyfiyyət və təcrübə baxımından "Real Madrid"i də istisna etmirəm. Baxmayaraq ki, onlar gözlənilən nəticəyə nail ola bilməyiblər. Bir də "Bavariya" var — sona qədər oynayacaq başqa bir əla komanda. Lakin bu gün ən yaxşılar "Mançester Siti" və PSJ-dir".
Qeyd edək ki, Çempionlar Liqasında 1/8 final mərhələsinə fevralın 13-də start veriləcək. "Barselona" fevralın 20-də səfərdə, martın 14-də evdə "Çelsi" ilə üz-üzə gələcək.
