İspaniyanın "Real" (Madrid) klubunun baş məşqçisi Karlo Ançelotti klubun əvəzedici heyətinin baş məşqçisi Zidanı müdafiə edib. Sportnet.az-ın məlumatına görə, "Rayo Valyekano"nun baş məşqçisi Pako Xemezin UEFA Pro lisenziyası almadığı üçün fransalını həmkarı hesab etməməsi fikrinə italitalı mütəxəsis Ançelotti cavab verib.
55 yaşlı mütəxəsis keçirdiyi mətbuat konfransında Xemezin həddindən artıq çox danışdığını bildirib: "Bu barədə danışmaq mənə asan deyil. Düşünürəm ki, bu məşqçi (Xemez) çox danışır. Zidan Fransada iki ildir ki, kurs keçir. Başqa ölkələrdə bu müddətdə məşqçilik etməyə icazə var. Mən məşqçi karyerama başlayan zaman belə kurslara qatılmamışdım. Pako Xemez kifayət qədər danışıb".
Qeyd edək ki, Zidan yayda "Real Madrid Kastilya"nın baş məşqçisi təyin olunub.Onun rəhbərlik etdiyi kollektiv "Segunda" divizionunda 6 oyundan 5-də məğlub olmaqla turnir cədvəlində sonuncu yerdədir.
