"Hər nə qədər mümkünsüz görünsə də, burada qələbə qazanmağa çalışacağıq. İlk görüşdəki nəticə bəllidir. Vəziyyəti dəyişmək üçün əlimizdən gələni edəcəyik”.
Sportnet.az xəbər verir ki, bunu Sloveniyanın "Olimpiya” komandasının futbolçusu Aris Zarifoviç Çempionlar Liqasının I təsnifat mərhələsində "Qarabağ”la keçirəcəkləri cavab oyunundan əvvəl mətbuat konfransında deyib.
O, bildirib ki, "Qarabağ”a uduzmaları faciə olmayacaq: "Olimpiya”ya yeni baş məşqçi gəlib, sistem yeni qurulur. "Qarabağ” hər nə qədər favorit olsa da, ilk oyun göstərdi ki, bu rəqibə qalib gələ bilərik. Uduzsaq da, dünyanın sonu olmayacaq. Mübarizəni Avropa Liqasında davam etdirəcəyik. Oyunun son saniyəyə qədər davam etməsinə çalışacağıq. Biz daha yaxşı komandayıq.
