"Con Delarj Maraqlandığımız futbolçulardan biridir. Lakin hələ məsələ rəsmiləşməyib. Danışıqlar müsbət yekunlaşsa, onunla müqavilə bağlayacağıq".
Bunu Sportnet.az-a açıqlamasında "Qarabağ"ın direktoru Emrah Çelikel deyib. Onun sözlərinə görə, 28 yaşlı hücumçunun keçidi tezliklə rəsmiləşsə, adı Albaniyanın "Kukesi" komandası ilə oyunlar üçün iştirak ərizəsinə salınacaq.
Çelikel Delarjın "Bursaspor"da nizam-intizama əməl etmədiyinə dair xəbərlərlə özünün də tanış olduğunu vurğulayıb. "Qarabağ" rəsmisi bildirib ki, konqolu forvardın şəxsi göstəriciləri ilə də maraqlandıqdan sonra bu transferin gerçəkləşməsi yönündə addımlar atılacaq.
Qeyd edək ki, Türkiyə mətbuatı Con Delarjın "Qarabağ"a 200 min avro qarşılığında transfer olunduğunu yazıb.
