"Neftçi" komandası "Sumqayıt”la keçirəcəyi Topaz Premyer Liqasının açılış oyununa hazırlığı davam etdirir.
Sportnet.az-ın məlumatına görə, flaqman gündə bir dəfə "Türk Hava Yolları Futbol Mərkəzi”ndə məşq edir. Ötən gün məşqdə Ruslan Abışovdan başqa bütün futbolçular iştirak ediblər. Hazırlıq bu gün də bir məşqlə davam edəcək.
Qeyd edək ki, avqustun 11-də "Dalğa Arena”da keçirəcək "Sumqayıt” – "Neftçi” oyunu saat 20:00-da başlanacaq.
