UEFA prezidenti Mişel Platini FİFA-dakı həmkarı Yozef Blatterlə bağlı maraqlı açıqlama verib. Sportnet.az-ın məlumatına görə, Platini deyib ki, isveçrəli futbol funksioneri futbolla vidlaşmalıdır.
Platininin sözlərinə görə, isveçrəli başqan artıq istefa verməlidir: "Blatter 40 ildir ki, FİFA-ya rəhbərlik edir. Fikrimcə, onu istefaya göndərmək lazımdır. Hazırda mənim o posta niyyətim yoxdur. Çünki futbola yaxın olmaq istəyirəm. FİFA, sadəcə, dünya çempionatlarının təşkili ilə məşğul olur, UEFA isə mənə hər gün futbol həyatını hiss etdirir".
Qeyd edək ki, Yozef Blatter sentyabrın sonunda verdiyi açıqlamada postunda qalmaq istədiyini demişdi. O, 1975-ci ildən FİFA-da çalışır, 1998-ci ildən isə prezident vəzifəsini yerinə yetirir.
