"Həmişə 3 xal üçün oynayırıq. Xüsusən də evdə. Bu dəfə də qələbə qazanmağa çalışacağıq".
Sportnet.az-ın Torshavna ezam olunmuş əməkdaşı xəbər verir ki, bunu Farer adaları yığmasının futbolçusu Rene Yonsen Azərbaycanla keçirəcəkləri UEFA Millətlər Liqasının III tur oyunundan əvvəl mətbuat konfransında deyib.
25 yaşlı yarımmüdafiəçi bildirib ki, ötən həftə İngiltərə "Arsenal"ına qarşı çıxış etmiş "Qarabağ"ın futbolçularına qarşı oynamaq və qələbə istəyi maraqlı olur: "Amma deyə bilmərəm ki, biz qorxuruq. İnanıram ki, yaxşı çıxış edərək, istəyimizə nail olacağıq".
