Futbol üzrə Azərbaycan Premyer Liqasında məhsuldarlıq rekordu təkrarlanıb.
Sportnet.az Peşəkar Futbol Liqasının riəsmi saytına istinadən xəbər verir ki, çempionatın IX turunda qapılara 14 top vurulub.
Orta məhsuldarlıq isə 3,50-yə bərabər olub. Bu, mövsümün iki ən yüksək göstəricisindən biridir. II turda da eyni sayda qol qeydə alınıb.
Qeyd edək ki, IX turda meydana çıxan bütün komandalar qol vura bilib. "Sabah” "Zirə”ni, "Səbail” isə "Keşlə”ni 2:1 hesabı ilə üstələyib. "Neftçi” "Qarabağ”ı 3:1 hesabı ilə məğlub edibsə, "Sumqayıt” – "Qəbələ” görüşündə qalib müəyyənləşməyib - 2:2.
