Çempionlar Liqasında bu axşam keçiriləcək "Qalatasaray" - "Borussiya" (Dortmund) oyunu öncəsi gərginlik yaşanıb. Sportnet.az-ın məlumatına görə, əylənmək üçün Taksim meydanına gedən almanıyalı azarkeşlərlə "Qalatasaray" tərəfdarları arasında söz savaşı başlayıb.
Bu hal qısa müddətdə davaya çevrilib və əxlaq polislərinin müdaxiləsi ilə ara sakitləşdirilib. Əraziyə çevik polis alayı da göndərilib. Qonaq komanda fanatları Taksimdən polislərin müşayiəti ilə ayrılıblar.
Qeyd edək ki, "Qalatasaray" - "Borussiya” matçı Bakı vaxtı ilə saat 23:45-də başlanacaq.
