"Qarabağ"ın zədəli futbolçusu İnnosent Emeqaranın durumuna aydınlıq gəlib.
Klubun mətbuat xidmətindən Sportnet.az-a verilən məlumata görə, 29 yaşlı hücumçu əməliyyat olunacaq. Cərrahi müdaxilə İsveçrədə baş tutacaq. İsveçrəli oyunçu dizinin menisk hissəsindən xəsarət alıb. Emeqara 6-8 həftədən sonra fərdi məşqlərə başlaya biləcək. Beləliklə, o, ilin sonuna qədər yaşıl meydanlardan kənarda qalacaq.
Qeyd edək ki, İnnosent Emeqara "Qarabağ"ın Azərbaycan Premyer Liqasının XII turunda "Sabah"la (1:1) matçdan öncə isinmə hərəkətləri zamanı xəsarət alıb.
