Xəbər verdiyimiz kimi, bu gün Türkiyə PTT I Liqasında 7-ci turun daha 4 oyun keçiriləcək. Azərbaycanlı azarkeşləri ən çox "Manisaspor" - "Karşıyaka" oyunu maraqlandırır. Sportnet.az-ın məlumatına görə, bu qarşılaşmanı canlı izləmək mümkün olacaq.
"Manisaspor"un formasını geyinən millimizin sabiq üzvü Branimir Subaşiçlə "Karşıyaka"da çıxış edən müdafiəçimiz Mahir Şükürovun dueli Türkiyənin TRT Spor kanalı vasitəsilə canlı yayımlanacaq. Qeyd edək ki, bu qarşılaşma Bakı vaxt ilə saat 20:30-da başlayacaq.
Digər həmyerlimiz Rail Məlikovun komandası "Dənizlispor"un "Boluspor"la ev oyunu isə TRT-nin rəsmi internet saytında canlı yayımlanacaq. Bu görüş isə saat 18:00-da start götürəcək.
