İngiltərə Futbol Assosiasiyası "Arsenal" klubunun baş məşqçisi Unay Emerini cəzalandırıb.
Sportnet.az-ın məlumatına görə, buna ispaniyalı mütəxəssisin "Brayton"la Premyer Liqanın XIX tur matçında yolverilməz davranışı səbəb olub. Emeri 8 min funt sterlinq məbləğində cərimələnib.
Qeyd edək ki, 1:1 hesablı heç-heçə ilə yekunlaşan görüşün son dəqiqələrində Unay Emeri hirsindən su qabını təpiklə vurub. Nəticədə su qabı yaxınlıqdakı azarkeşə dəyib. Emeri dərhal həmin fanata yaxınlaşaraq, ondan üzr istəyib.
