"Yaxşı və vacib sınaq oldu. Nəticədən başqa, futbolçuları izləmək, onların bir-biri ilə anlaşmalarını görmək vacib idi".
Sportnet.az-ın məlumatına görə, bunu "Neftçi”nin baş məşqçisi Roberto Bordin Rumıniya "Qaz Metan”ını 3:0 hesabı ilə yendikləri yoxlama oyunundan sonra klubun rəsmi saytına açıqlamasında deyib. İtaliyalı mütəxəssis sınaq matçlarına yüksək əhval-ruhiyyə ilə başlamağın önəmli olduğunu bildirib: "Düzdür, fiziki hazırlıq və xətlərarası anlaşma üzərində işləməliyik. Amma bunun üçün kifayət qədər vaxtımız var. Önəmlisi odur ki, yoxlama oyunlarına yüksək əhval-ruhiyyə ilə başladıq”.
