Məşhur ingiltərəli futbolçu Eşli Koul Çempionşipdə çıxış edən "Derbi Kaunti"yə keçib.
Sportnet.az-ın klubun rəsmi saytına istinadən məlumatına görə, 38 yaşlı sol cinah müdafiəçisi ilə mövsümün sonunadək müqavilə bağlanılıb. Təcrübəli oyunçu ABŞ-ın "Los-Anceles Qelaksi" komandasını tərk etdikdən sonra azad agent idi. Hazırda 46 xalla 6-cı pillədə olan "Derbi Kaunti"yə Koulun "Çelsi"dəki keçmiş komanda yoldaşı Frenk Lempard başçılıq edir.
Qeyd edək ki, Eşli Koul "Arsenal", "Kristal Pelas" və İtaliya "Roma"sında da forma geyinib. O, 3 dəfə İngiltərə çempionu, 7 dəfə ölkə kubokunun qalibi, 3 dəfə Superkubok sahibi olub. "Çelsi"də isə Koul Çempionlar Liqası və Avropa Liqasını qazanıb.
