Futbol üzrə Azərbaycan Premyer Liqasında XXVI turun son oyunu keçirilib.
Sportnet.az-ın məlumatına görə, "Neftçi" "Bakcell Arena"da "Sumqayıt" komandasını qəbul edib. Görüş "Sumqayıt"ın 3:2 hesablı qələbəsi ilə başa çatıb. Matçda hesab 7-ci dəqiqədə açılıb. "Neftçi"nin kapitanı Ruslan Abışov komandasınə önə keçirib. Qarşılaşmanın 31-ci dəqiqəsində Əmir Ağayev hesabı bərabərləşdirib. 41-ci dəqiqədə qonaq komanda hesabda önə keçib. Ülvi İsgəndərov Əmir Ağayevin ötürməsini qola çevirib. İkinci hissəyə hücumlarla başlayan "Neftçi" 72-ci dəqiqədə istəyinə nail olub. Baqali Dabo qapıçıdan qayıdan topu qüvvətli zərbə ilə tordan keçirib. 5 dəqiqə sonra Murad Xaçayev "Sumqayıt"ı yenidən önə keçirib.
Bu qələbə sayəsində xallarını 23-ə çatdıran "Sumqayıt" 7-ci sıradakı yerini qoruyub. Doğma meydanda məğlub olan "Neftçi" isə çempionluq yarışında ağır zərbə alıb. Sona 2 tur qalmış lider "Qarabağ" ən yaxın izləyucisini 5 xal qabaqlayır.
Qeyd edək ki, günün digər oyunlarında "Səbail" evdə "Qəbələ"ni 2:1, "Qarabağ" isə səfərdə "Zirə"ni 3:0 hesabı ilə məğlub edib. Debütant "Sabah" doğma meydanda "Keşlə" ilə 1:1-lik heç-heçə edib. Azərbaycan Premier Liqasına 60 xal ilə "Qarabağ" başçılıq edir.
---------------------------
Bu gün futbol üzrə Azərbaycan Premyer Liqasında XXVI tura start veriləcək.
Sportnet.az-ın məlumatına görə, turun bütün görüşləri eyni gündə keçiriləcək. Əvvəlcə debütant "Sabah" "Keşlə"ni qəbul edəcək. "Əlincə Arena"da təşkil olunacaq görüşü İnqilab Məmmədov idarə edəcək.
Hazırda "Sabah" 26 xalla 5-ci, "Keşlə" isə 19 xalla sonuncu - 8-ci pillədə qərarlaşıb. "Sabah" və "Keşlə" komandaları indiyə qədər 3 dəfə qarşılaşıblar. Bütün oyunlar cari mövsümdə baş tutub, onlardan 1-də qalib gələn meydan sahibləri, 2 dueldən məğlub ayrılıb.
Zirə İdman Kompleksinin stadionunda baş tutacaq növbəti qarşılaşmada "Zirə" qızıl medallar uğrunda mübarizə aparan "Qarabağ"ı qəbul edəcək. "Zirə" və "Qarabağ" indiyədək 15 dəfə üz-üzə gəliblər. Bunların heç birində "qartallar" qələbə qazana bilməyib, "Qarabağ" isə 11 dəfə qələbəyə sevinib. "Köhlən atlar" rəqibinə qarşı son üç səfər matçından da qalib ayrılmağı bacarıb. Oyunu Səbuhi Bayramov idarə edəcək.
Daha bir matçda "Səbail" "ASCO Arena"da "Qəbələ"ni sınağa çəkəcək. “Səbail” 4 oyundur qələbə qazanmır. Aftandil Hacıyevin baş məşqçi olduğu kollektiv hazırda 38 xalla 3-cü pillədə qərarlaşıb. "Qəbələ" isə 36 xalla 4-cüdür. Sənan Qurbanovun rəhbərlik etdiyi komanda qələbə qazanacağı təqdirdə, 3-cü pilləyə yüksələ bilər. Şəxsi oyunlara gəlincə, tərəflər 7 dəfə üz-üzə gəliblər. Bunların 1-də "Səbail", 4-də əyalət təmsilçisi qalib gəlibsə, daha 1 matç heç-heçə yekunlaşıb. Topların nisbətində də "Qəbələ" öndədir - 13:6. Cari mövsümdə komandalar 3 dəfə qarşılaşıb. 2 görüş "Qəbələ"nin qələbəsi ilə başa çatıb. 1 görüşdə isə qapılara qol vurulmayıb. Turun mərkəzi görüşü FİFA referisi Əliyar Ağayevə tapşırılıb.
Turun son matçında "Sumqayıt" "Neftçi"nin qonağı olacaq. "Bakcell Arena"da təşkil olunacaq görüşü Kamal Umudlu idarə edəcək. Çempionluq üçün mübarizə aparan flaqman 25 turdan sonra 55 xalla ikincidir və liderdən 2 xal geri qalır. Komandalar indiyədək 27 dəfə qarşılaşıblar. Bunların 14-də paytaxt, 9-da "gənclik şəhəri" təmsilçisi qalib gəlibsə, 4 matçda heç-heçə qeydə alınıb. “Sumqayıt” 4 oyundur qələbə qazana bilmir. “Neftçi”nin meydanındakı son iki matçda heç-heçə qeydə alınıb.Topların nisbətində də "ağ-qaralar" öndədir - 43:31.
Azərbaycan Premyer Liqası, XXVI tur
27 aprel (şənbə)
16:30. "Zirə” – "Qarabağ” - 0:3
Qollar: Dani Kintana, 20. Filip Ozobiç, 28. Mahir Mədətov, 79
Hakimlər: Səbuhi Bayramov, Müslüm Əliyev, Eyyub İbrahimov, Rövşən Rəcəbov
Hakim-inspektor: Kərim Ağayev
AFFA nümayəndəsi: Seymur Səlimli
Zirə İdman Kompleksinin stadionu,
İlk üç dövrə - 2:3, 0:6, 0:0
17:00. "Sabah” – "Keşlə” - 1:1
Qollar: Marko Deviç, 58 (pen.) - Conatan Ayite, 90+4
Hakimlər: İnqilab Məmmədov, Pərvin Talıbov, Əli Cəbrayılov, Elçin Məsiyev
Hakim-inspektor: Vüsal Əliyev
AFFA nümayəndəsi: Asif Əliyev
“Əlincə Arena”
İlk üç dövrə - 1:0, 1:2, 0:3
17:30. "Səbail” – "Qəbələ” - 2:1
Qollar: Fəhmin Muradbəyli, 19. Ağabala Ramazanov, 24 - Bəhlul Mustafazadə, 41
Hakimlər: Əliyar Ağayev, Zeynal Zeynalov, Akif Əmirəli, Rauf Allahverdiyev
Hakim-inspektor: Ramil Diniyev
AFFA nümayəndəsi: Məmmədəli Məmmədov
“ASCO Arena
İlk üç dövrə - 0:3, 0:0, 1:2
19:00. "Neftçi” – "Sumqayıt” - 2:3
Qollar: Ruslan Abışov, 8. Baqali Dabo,72 - Əmir Ağayev, 31. Ülvi İsgəndərov, 42. Murad Xaçayev, 77
Hakimlər: Kamal Umudlu, Mübariz Haşımov, Rahil Ramazanov, Vüqar Həsənli
Hakim-inspektor: Babək Quliyev
AFFA nümayəndəsi: Şaiq Həmidov
“Bakcell Arena”,
İlk üç dövrə - 2:0, 0:0, 2:1
