"Neftçi"nin Avropa Liqasının I təsnifat mərhələsinin ilk oyunundakı start heyəti böyük ölçüdə bəllidir. Sportnet.az-ın Moldovanın paytaxtı Kişinyova ezam olunmuş əməkdaşı xəbər verir ki, baş məşqçi Roberto Bordin "Sperantsa" ilə səfər matçında çərçivəni əsas qapıçı Səlahət Ağayevə tapşıracaq. Müdafiənin mərkəzində Kiril Petrov və Voislav Stankoviçin meydana çıxacağı gözlənilir. Cinahlarda Anton Krivotsyuk ilə Ömər Buludov olacaq. Yarımmüdafiədə Emin Mahmudov, Mamadu Kane və Vanqelis Platellas, ön xətt isə Dario Frederiko, Stiven Jozef-Monroz və Rauf Əliyev üçlüsü rəqib müdafiəsinin müqavimətini qırmağa çalrışacaq. Komandada müdafiənin mərkəzinə nisbətən digər mövqelərdə kimin meydana çıxacağı böyük demək olar ki, dəqiqdir. Sadəcə müdafiənin mərkəzində Mamadu Mbodj da oynaya bilər. Qeyd edək ki, "Sperantsa" - "Neftçi" matçı iyulun 11-də, Bakı vaxtı ilə saat 21:00-da "Zimbru" stadionunda başlayacaq.
