Argentina yığmasının heyətində dünya çempionu olmuş əfsanəvi Dieqo Maradona "Ximnasiya və Esqrima" futbol klubunun baş məşqçisi olub.
Sportnet.az klubun rəsmi saytına istinadən xəbər verir ki, 58 yaşlı mütəxəssislə müqavilə cari mövsümün sonuna kimi imzalanıb.
Əsası 1887-ci ildə qoyulmuş "Ximnasiya" Argentinanın çempionatında sonuncu - 24-cü yeri tutur. Komanda 5 matçdan sonra cəmi 1 xal yığa bilib. Maradona daha əvvəl Meksika "Dorados"unun baş məşqçi postunu səhhətindəki problemlərlə əlaqədar həkimlərin məsləhəti ilə tərk edib.
