"Oyunun ağır keçəcəyini əvvəlcədən bilirdik. “Səbail” yerli futbolçulardan təşkil olunmuş yaxşı komandadı. Rəqibi düzgün təhlil edib, yetirmələrimi oyuna yaxşı hazırlaya bildik".
Sportnet.az xəbər verir ki, bunu "Qəbələ"nin baş məşqçi əvəzi Elmar Baxşıyev səfərdə “Səbail”lə 1:1 hesablı heç-heçə etdikləri Azərbaycan Premyer Liqasının V tur matçından sonra mətbuat konfransında deyib. Gənc mütəxəssis daha sonra jurnalistlərin suallarını cavablandırıb...
- Bu, “Qəbələ”nin maksimumu idi?
- “Sumqayıt”la yoxlama oyunundan başlayaraq artan qrafik cızırıq. Buu da məni sevindirir. İki zədəlimiz var. Oyun planında daha da artıra bilərik.
- Ülvü İsgəndərovun qapıçının üstündən atdığı top çərçivəyə düşmədi. Bunu oyunun qırılma anı saymırsınız?
- Gənc komandayıq. Əsas odur artıraq. Həmin epizod qol da ola bilərdi.
- Bu, tapşırıq idi ki, fasilədən sonra müdafiəyə çəkiləsiniz?
- Xeyr, belə tapşırıq yox idi. Yəqin ki, rəqib də təzyiq göstərdi, uşaqlara da hesab təzyiq göstərirdi.
- Hakimlikdən narazı idiniz?
- Xeyr, normal idarəetmə oldu. Futbol – emosiyalar oyunudur. Ola bilər hansısa epizodda etiraz edəm.
