İspaniyanın "Barselona" klubunun uruqvaylı futbolçusu Luis Suares və İtaliya "Yuventus"unda çıxış edən Corco Kyellini barışıq məqsədilə görüş keçirmək niyyətindədirlər. Sportnet.az-ın "Mundodeportivo"ya istinadən məlumatına görə, futbolçuların agentləri gözlənilən görüş və tarixi barədə danışıqlara başlayıblar.
Oyunçular arasında KİV nümayəndələrinin iştirakı ilə forma mübadiləsinin mümkünlüyü də bildirilir. İstisna deyil ki, bu görüşə gənc futbolçulara nümunə məqsədilə FİFA da dəstək versin.
Qeyd edək ki, Luis Suares DÇ-2014-ün Uruqvay - İtaliya matçında Corco Kyellinini dişlədiyi üçün futboldan 4 ay kənarlaşdırılıb.
