Noyabrın 29-da, saat
15:00-da Sumqayıtda "Kapital Bank Arena”da FIFA-nın bayrağı altında
AFFA-nın təşkilatçılığı ilə "Live Your Goals” ("Öz məqsədlərini yaşat”)
festivalı keçiriləcək. Sportnet.az-ın
məlumatına görə, tədbirdə FIFA-nın "Live Your Goals” instruktoru, tanınmış keçmiş
qadın futbolçusu Hop Povell iştirak edəcək.
Bundan
əlavə, Face Art və hədiyyəli yarışlar təşkil olunacaq. Həmçinin uşaqlar
tanınmış azərbaycanlı futbolçuların imzalı şəkillərini əldə edə
biləcəklər.
Qeyd edək ki, layihənin həyata keçirilməsində məqsəd qadın futbolunun kütləviliyinin artırılması, qızların futbola cəlb olunması, onların futbolla mütəmadi şəkildə məşğul olmasına zəmin yaradılması, xüsusilə bölgələrdə qadın futboluna marağın artırılmasıdır.
